NAJNOVĚJŠI ČLANKY

NAJČITAJEMI ČLANKY

Nogo-tenis / Ного-тенис

Nožnij tennis jest kolektivnij sport originalno izmyšlenij v prošlosti v Češskoslovackej republike. Ножниј теннис јест колективниј спорт оригинално измышлениј в прошлости в Чешскословацкеј републике.

 

Medžunarodne nazvanije jest Football-tenis. V Franciji jest znanij pod imenom Tennis-ballon, v Hrvatiji jako Nogo-tenis, v Češskej republike jako Nohejbal. Меджународне названије јест Фоотбалл-тенис. В Францији јест знаниј под именом Теннис-баллон, в Хрватији јако Ного-тенис, в Чешскеј републикіе јако Ногеј-бал.

V letah okolo 1922 členi futbalovego družstva Slavia Praha sut počeli igrati sportivnu igru v tih dnah zvanu „futbol prez šnuru ili motuz” prosto uvezanij medžu dviemi stojkami, st’lpami ili drugimi različnimi podporami, da by ulepšili svoju prostorovu i futbalovu tehniku i jih trenirovka je byla više efektivna. V tečeniji vremena je byla v miestie šnury upotrebena klasična tenisova mreža. В летах около 1922 члени футбаловего дружства Славиа Прага сут почели играти спортивну игру в тих днах звану „футбол през шнуру или мотуз” просто увезаниј меджу двіеми стојками, стълпами или другими различними подпорами, да бы улепшили своју просторову и футбалову технику и јих тренировка је была више ефективна. В теченији времена је была в міестіе шнуры употребена класична тенисова мрежа.

Iz p’rva tuta igra je ne imala svoje stabilne pravila i zakony. Sportivne polje je ne bylo ograničeno i sportniki sut prosto metali futbolnij mjač prez mrežu iz jedne polovice polja na drugu.
P’rva oficialna pravila je byla napisana v letie 1936.  P’rvij čempionat je byl v letie 1940.  V 1962 je byla osnovana Češska nogo-tenisova liga, v 1972 je byl osnovan Češskij s’vez. V 1987 je byl osnovan Medžunarodnij s’vez. Evropskij čempionat jest igranij ot leta 1993 i svietovij ot 1996. Nožnij tennis jest velmo popularnij v Čehiji, Slovakiji, H‘rvatiji, Rumeniji, Madjarske, Braziliji, Švycariji, Austriji, Franciji i v drugih krajinah. Из първа тута игра је не имала своје стабилне правила и законы. Спортивне поље је не было ограничено и спортники сут просто метали футболниј мјач през мрежу из једне половице поља на другу.
Първа официална правила је была написана в летіе 1936.  Първиј чемпионат је был в летіе 1940.  В 1962 је была основана Чешска ного-тенисова лига, в 1972 је был основан Чешскиј съвез. В 1987 је был основан Меджународниј съвез. Европскиј чемпионат јест играниј от лета 1993 и свіетовиј от 1996. Ножниј теннис јест велмо популарниј в Чехији, Словакији, Хърватији, Руменији, Мадьарске, Бразилији, Швыцарији, Аустрији, Францији и в других крајинах.

V češskih zemjah jest nožnij tennis velmo razširenij i oljubienij sport. Sut dielany sportivni čempionaty medžu družstvami. Družstva sut s’staviena iz niekoliko borcov, obyčno igrajut tri borci protiv trim borcam ili dva protiv dvim, no takože može igrati jedin protiv jednomu. Sut čempionaty miešanih družstev iz mužev i žen. В чешских земјах јест ножниј теннис велмо разширениј и ољубіениј спорт. Сут діеланы спортивни чемпионаты меджу дружствами. Дружства сут съставіена из ніеколико борцов, обычно играјут три борци против трим борцам или два против двим, но такоже може играти једин против једному. Сут чемпионаты міешаних дружстев из мужев и жен.

Množestvo ljudij učestvuje na čempionatah, ne jako sportnici no jako podd’ržnici i podpora svojih oljubienih družstev. Razprostreni okolo igriska pijut pivo i jadut tučne kolbasy. Vrištajut i kričajut na svoje i inostranne sportniki, igrajut na različne muzične pribory, naprimier bubny i truby ili prosto zvizdajut na prstah, davajut s’vietovanija jak igrati i jak ne igrati, čo je imalo jih družstvo udielati i ne imalo udielati. Prosto izrečeno, čempionat jest jedno velike s’branije kde ljudi možut zabyti na svoje denne problemy i aktivno otdyhati i otpočivati. Ot s’rdce vsim možeme doporučiti i pos’vietovati da by igrali nožnij tennis i tako imali silne tielo i duha. Множество људиј учествује на чемпионатах, не јако спортници но јако поддържници и подпора својих ољубіених дружстев. Разпрострени около игриска пијут пиво и јадут тучне колбасы . Вриштајут и кричајут на своје и иностранне спортники, играјут на различне музичне приборы, наприміер бубны и трубы или просто звиздајут на прстах, давајут съвіетованија јак играти и јак не играти, чо је имало јих дружство удіелати и не имало удіелати. Просто изречено, чемпионат јест једно велике събраније кде људи можут забыти на своје денне проблемы и активно отдыхати и отпочивати. От сърдце всим можеме допоручити и посъвіетовати да бы играли ножниј теннис и тако имали силне тіело и духа.

 

http://hr.wikipedia.org/wiki/Nogotenis

http://cs.wikipedia.org/wiki/Nohejbal

{gitube vid:=jc6-Tpy4zFw&feature=fvsr}

{gitube vid:=NIZWLWs-woE&feature=related}

{gitube vid:=oPMHl4goc_I&feature=related}

{gitube vid :=K7LnZkvmsEQ&feature=fvwrel}

{gitube vid :=yKJtkIcu-mw&feature=related}

 

(ns)

sreda, 18. Oktober 2017

PARTNERI

NAŠ PROJEKT




BESEDUJTE S NAMI NA FACEBOOKU

TECHNIČSKA OBSLUGA

PUBLIKOVANJE ČLANKOV