NAJNOVĚJŠI ČLANKY

NAJČITAJEMI ČLANKY

John Kerry izmyslil dŕžavų «Kirzahstan»

John Kerry izmyslil dŕžavų «Kirzahstan»

John Kerry stal amerikanski ministr vněšnjih děl v fevruarě, a kråtko potom už učinil svojų pŕvų pogrěškų: izmyslil kraj «Kirzahstan». V toj neudobnoj grěškě gosp. Kerry hvalil amerikanskih diplomatov za råbotų nad bezpečnymi «demokratičnymi institucijami» v nejestvujųčej srednjoazijatskoj dŕžavě. Novy diplomat odnosil sę k Kirgizstanu, bědnomu, prěsnovodnomu kraju s 5,5 mln. žiteljami, očevidno měšajųč go s bogatym v surovinah sěvernym sųsědom, Kazahstanom.

Ministerstvo Vněšnjih Děl blågosklonno upustilo pogrěškų v oficialnoj transkripciji premolvjenja, ktory gosp. Kerry izglåsil pred svojim pŕvym pųtjem kako ministr do čudžiny. Kerrina grěška byla čim bolje sråmęča, tomu že Kirgizstan imaje kritično značenje kako sojųznik v vojně, ktorų Sjedinjene Štaty vodęt v Afganistaně, i dostavaje ogromne finansove poddŕžki od Štatov, v 2011 godě s sumojų 41 mln. dolarov.

Od časa, kogda pro-demokratične revolucije v 2005 i 2010 g. sovŕšili kirgizskih liderov, čo vedlo k demokratičnym izboram v 2011 godě, Vašington aktivno propaguje demokratično razvitje v kraji.

Zdroj: The Telegraph


Джон Керри измыслил државу «Кирзахстан»

Джон Керри стал американски министр внешньих дел в февруаре, а кратко потом уж учинил своју прву погрешку: измыслил крај «Кирзахстан». В тој неудобној грешке госп. Керри хвалил американских дипломатов за работу над безпечными «демократичными институцијами» в нејествујучеј средньоазијатској државе. Новы дипломат односил се к Киргизстану, бедному, пресноводному крају с 5,5 млн. жительами, очевидно мешајуч го с богатым в суровинах северным суседом, Казахстаном.

Министерство Внешньих Дел благосклонно упустило погрешку в официалној транскрипцији премолвјеньа, кторы госп. Керри изгласил пред својим првым путьем како министр до чуджины. Керрина грешка была чим болье срамеча, тому же Киргизстан имаје критично значенье како сојузник в војне, ктору Сјединьене Штаты водет в Афганистане, и доставаје огромне финансове поддржки од Штатов, в 2011 годе с сумоју 41 млн. доларов.

Од часа, когда про-демократичне револуције в 2005 и 2010 г. совршили киргизских лидеров, чо ведло к демократичным изборам в 2011 годе, Вашингтон активно пропагује демократично развитье в краји.

Здрој: The Telegraph

poneděljek, 25. September 2017

PARTNERI

NAŠ PROJEKT




BESEDUJTE S NAMI NA FACEBOOKU

TECHNIČSKA OBSLUGA

PUBLIKOVANJE ČLANKOV