NAJČITAJEME ČLANKY

Parlament Ukrajiny prijęl prėdložeňje języčnògo zakona v pŕvòm čitaňju

2000px Ukraine cencus 2001 Russian svgVŕhovná Rada v prvòm čitaňju prijęla prėdložeňje zakona ob principah štatnòj języčnòj politiki. Dvasto tridsęť četyri iz četyristo pęťdsęti narodnyh deputatov glåsovalo za zakon. Mnogo protivnikov i podpornikov prėdložeňja sòbralo sę blizko. Sòglåsno konstituciji ukrajinskí je štatnym językòm krajiny. Ale prezident Ukrajiny Viktor Janukovyč i Partija Regionov pri svojèj kampaniji oběćali s`dělatì ruskí drugim štatnym językòm. Okolo tristo glåsov je treba čoby izměnitì konstitucijų. Dvadsęť četvŕtògo maja debaty ob języčnòm zakoně, kotorý prėdložili narodné deputaty Partiji Regionov Vadym Kolesničenko i Sergij Kivalov, s`končili sę biťjèm.

Sòglåsno prėdložeňja ukrajinskí byl by oficialnym językòm, ale byli by takože regionalné ili mènšinstvné języki: ruskí, běloruskí, bòlgarskí, arměnskí, gagauzkí, jidyš, krymskotatarskí, moldavskí, němèckí, grèčkí, poľskí, ciganskí, rumunskí, slovačkí, maďarskí, rusinskí, karaimskí i krymčačkí. Akoli čislo rodnyh govoriteľev jednògo iz tyh językov tu bylo by desęť procentov ili vyše mnogo naseľeňja danòj teritoriji, zakonné prėdpisaňja dľa upotrebjaňja regionalnyh ili mènšinstvnyh językov v`stųpili by v silų. V specialnyh slučajah městné sòvěty mogli by rěšitì ob upotrebjaňju mènšinstvnògo języka.

Opozicija tvŕdi, že prėdložeňje je protivukrajinskó. Oleksandr Doní, narodný deputat Našèj Ukrajiny — Narodnòj Samoobråny, kaže: "Akoli prėdložeňje stane zakonòm, ukrajinskí język v grådah možete zabezpamętitì."

Tysęć osmsto devęťdsęť sedmògo goda na teritoriji tutdennòj Ukrajiny žilo sedmdsęť tri procentov Ukrajincev i jedinnadsęť procentov Rusov. Tutdèň je to sedmdsęť osm procentov Ukrajincev i sedmnadsęť procentov Rusov. Šesťdsęť sedm procentov žiteľev rodno govori ukrajinskim i tridsęť procentov ruskim.

(nms)

nedělja, 18. November 2018

PARTNERI

NAŠ PROJEKT




BESEDUJTE S NAMI NA FACEBOOKU

TECHNIČSKA OBSLUGA

PUBLIKOVANJE ČLANKOV