NAJNOVĚJŠI ČLANKY

NAJČITAJEMI ČLANKY

«New Horizons» poslal poslědny bit danyh o Plutoně

Haron — satelit Plutona

NASA jest povědala, že New Horizons končil odpravų danyh o Plutoně, sobranyh lětom 2015 roka. V sumě aparat poslal vyše 6 GB danyh, čto vzęlo vyše 15 měsęcev. Naučnikam bųde trěba råzbrati vyše 400 oględań, izdělanyh naučnymi orųdjami sondy.

New Horizons stvarjil bliženje s Plutonom 14 julija 2015 roka — aparat približil sę do karlikovoj planety na 12.5 tysęć kilometrov. Tym časom sonda sobrala ogromnų kolikosť danyh, upotrěbivši vsi svoje naučne orųdja. Za to že bystrosť obměna informacijejų dlja takih udaljenostij jest toliko nemnogo vyše 1 kB/sek, odprava polnogo objema danyh by zajmala vyše roka.

Poslědnymi na Zemjų sųt došli dany infračrveno oględanja Plutona i Harona, sobrane orųdjem LEISA — se slučilo sę 25 oktobra 09:48 UTC. Informacija byla prijęta s pomoćjų jednoj iz anten dalekogo kosmičnogo svęzja v Kanberě, Avstralija.

Sejčas družina misije prověrjaje čestnosť odslanyh danyh, potom aparat osvobodit dvojicų svojih 32-GB tvŕdyh diskov. Se město bųde koristati sę dlja zapisa izslědkov novyh eksperimentov, ktory sonda bųde provoditi v těčenji bliženja s prědmetom iz pasa Kujpera 2014 MU69. Poslědne, sųglåsno misiji, stane sę 1 januarja 2019 roka.

New Horizons — prvy kosmičny aparat, provedši bliženje s transneptunovym prědmetom. Dękujųć jego misiji, zvězdoznavci iznova vråtili nazvų najvelikogo prědmeta pasa Kujpera Plutonu (někoje vrěmę ona naležala Eridě), a takože dovědali sę o neobyčnoj geologiji karlikovoj planety. Okazalo sę, že na povŕhu Plutona istnujųt medlo tekųće ledniki, gorske masy vodnogo leda i najvelike v solnečnoj sistemě kriovulkany.

vtorek, 28. Februar 2017

PARTNERI

NAŠ PROJEKT




BESEDUJTE S NAMI NA FACEBOOKU

TECHNIČSKA OBSLUGA

PUBLIKOVANJE ČLANKOV