NAJNOVĚJŠI ČLANKY

NAJČITAJEMI ČLANKY

Pomagajte naučnemu projektu vzajemnego razuměnija medžu slověnskimi jezykami

Naša kolegica Jelena Golubović dělaje naučny projekt vzajemnego razuměnija medžu slověnskimi jezykami kako svoju disertaciju na universitetu v Groningen v Holandiji i prosi našu pomoč.


V Europě govorime mnogimi jezykami. Različnost naših jezykov jest velika europska cennost, no jezyčna različnost može dělati komunikačne problemy. Po tutej pričině publikirala vysokourovnjova grupa na mnogojezyčnost (HLGM - High Level Group on Multilingualism) pregled svojih temat naučnego raziskanija, da by byla ulepšena komunikacija v Europě pri sohranjeniji mnogojezyčnego bogatstva. Izprva grupa HLGM govori o nedostatku znanija o vzajemnej razumivosti blizkih jezykov do komunikacije osnovanej na receptivnej mnogojezyčnosti. To znači razuměnije jezyku, ktory govornik ne znaje, no jest blizky jego rodnemu jezyku, že govorniki možut na sebe govoriti v svojih jezykah. Grupa HLGM takože govori o potrěbě ocenjenija englijskego jezyka kako univerzalnego jezyka govornikov imějučih različne narodne jezyky i potrěbě raziskanija medžunarodnej komunikacije v ramkah germanskej, slověnskej i romanskej jezyčnih familijej, može li napriměr medžuslověnska komunikacija Slověnov iz različnih narodov byti alternativoj jih komunikacije v englijskem jezyku.

Prosime Vas vsih da byste posětili aplikaciju http://www.micrela.nl/app/ i dělali test, ktory ne jest vyše ot 10 minut. I kako možete, širte tutoj link svojim prijatelom.

Vse o projektu možete čitati na adresě http://www.micrela.nl i popisanije projekta jest na adresě http://www.let.rug.nl/gooskens/project/pdf/Gooskens_Vrije_Competitie.pdf. Kontakt na Jelenu Golubović jest črez Facebook/Fejsbuk.

Blagodarime Vas mnogo za Vašu pomoč naučnemu projektu medžuslověnskej komunikacije!

(ns)

vtorek, 28. Februar 2017

PARTNERI

NAŠ PROJEKT




BESEDUJTE S NAMI NA FACEBOOKU

TECHNIČSKA OBSLUGA

PUBLIKOVANJE ČLANKOV