NAJNOVĚJŠI ČLANKY

NAJČITAJEMI ČLANKY

Medžunarodny festival DNY SLOVĚNSKOJ KULTURY, 19. - 24. 5. 2016

slovanska unie slavic union славянский союз

 

SLOVANSKÁ UNIE z. s.
(Slověnsky sovez v Češskoj republikě http://slovane.org)
Vas priglašaje na Medžunarodny festival DNY SLOVĚNSKOJ KULTURY, 19.-24. 5. 2016.

Češska Republika, oblast vazhodno-južnoj Moravy, grady Uherské Hradiště, Modrá, Velehrad, Osvětimany, i Staré Město.

http://www.dny-slovanske-kultury.cz

Medžunarodny festival zaštitili: Prezident Češskoj republiky Miloš Zeman, ambasador Slovenije v ČR Leon Marc, ambasador Slovakije v ČR Peter Weiss, prědsědnik Senata Parlamenta ČR Milan Štěch, prědsědnik Sbora deputatov Parlamenta ČR Jan Hamáček, premier-ministr Vlády ČR Bohuslav Sobotka, ministr kultury Vlady ČR Daniel Herman, prědsědnik Komiteta za črězgranične věči, obranu i bezopasnost Senata Parlamenta ČR František Bublan, prědsědnik Črězgraničnogo komiteta Sbora deputatov Parlamenta ČR Karel Schwarzenberg, člen Komiteta za kulturu Sbora deputatov Parlamenta ČR Vítězslav Jandák, Sovět Europy (Council of Europe), Europsky kulturny put svetih Kyrilla i Methodija, kmetstva zaključenih gradov, kmetstva zaključenih gradov, i druge institucije.

Medžunarodnomu festivalu blagoslovili archiepiskop pražsky i primas češsky Dominik kardinal Duka i pravoslavny archiepiskop Olomoucskoj i Brněnskoj Eparchije vladyka Simeon.

Medžunarodny festival DNY SLOVANSKÉ KULTURY vaznikl iz aktualnoj potrěbnosti bolšego medžunarodnogo sobytija na temu kulturnih i historičnih korenov vsih slověnskih krajin i narodov i potrěbnosti koristiti tradiciju slověnskoj vzajemnosti i vklad misije svetih Kyrilla i Methodija do generovanija novih kulturnih projektov. Pozitivni rezultaty prvih lět festivala i sorabota znajemih lic slověnskoj kultury i nauky dali možnost do uspěšnogo razvitija tutogo projekta i realizacije jego strategije, ktoroju jest:

1.  SOTVORITI OSNOVU DO NOVOJ KULTURNO-SPOLEČENSKOJ TRADICIJE

Festival uže prošel dvě lěta i raste. Na festivalu dnes aktivno sorabotaje 5 gradov iz oblasti južnoj Moravy.

2013 - počatok festivala
2014 - tema: rusynsky i makedonsky narod
2016 - tema: slovensky i slovačsky narod

buduči temata:

polsky i hrvatsky narod
češsky, srbsky i lužicsko-srbsky narod
russky i bulgarsky narod
ukrajinsky i belarussky narod
. . .

2. ATRAKTIVNE WEEKENDOVE SOBYTIJE S DOBRIM TURISTIČSKIM POTENCIJALOM

Festival jest ot četvrtka do vtorka, no glavni kulturni sobytija sut organizirani do svobodnih dnov weekenda, da by festival mogli posetiti ljudi iz drugih gradov i oblastij.

3. AKTIVNA SORABOTA S ČRĚZGANIČNIMI ORGANIZACIJAMI I LICAMI

Festival organizujemo v sorabotě s ambasadami i kulturnimi centrami prezentiranih slověnskih narodov i takože s drugimi medžunarodnimi državnimi i nedržavnimi institucijami i znajemimi licami kultury i nauky.

4. AKTIVNA SORABOTA S REGIONALNIMI INICIJATIVAMI I INSTITUCIJAMI

Festival sodržaje i poddrživaje inicijativy i institucije iz regiona južnoj Moravy, ktorim davaje plarformu do jih razvitija.

5. INSPIRACIJA ILI OPORA NA PODOBNE AKTIVITY V DRUGIH SLOVĚNSKIH KRAJINAH

Interes zaključenih institucijej dělaje osnovu do vaznikanija podobnih inicijativ v drugih slověnskih krajinah. Ovako, mnogi krajiny uže imajut take festivaly blizko datuma 24-ogo Maja, ktory jest medžunarodnim dnom slověnskoj kultury i pisemnosti.

(C) 2016, Slovanská unie z. s.
http://slovane.org

petek, 24. November 2017

PARTNERI

NAŠ PROJEKT




BESEDUJTE S NAMI NA FACEBOOKU

TECHNIČSKA OBSLUGA

PUBLIKOVANJE ČLANKOV