NAJNOVĚJŠI ČLANKY

NAJČITAJEMI ČLANKY

Ceremonijalne zasědanije prezidija ČMSS v Pragě

Dne 12. Novembra 2013 je bylo v Pragě ceremonijalne zasědanije prezidija Češsko-Moravskego Slověnskego Soveza, ktory jest členom medžunarodnego Vseslověnskego Sobora. Zasědanije je bylo v prostoru historičnego Valdštejnskego palaca kako oficijalna akcija organizirana Senatom Parlamenta Češskej Republiky pod zaštitoj jego městoprědsedatela gospoda senatora Zdeňka Škromacha.

Zasědanije je ukončilo jubilejnu godinu 2013, ktora jest

  1. 1150 lět ot misije svetih bratov Kyrilla i Methodija na Veliku Moravu, hristijanizacija Slověnov, glagolica kako prva slověnska azbuka, osnovanije slověnskej pisemnosti i staroslověnskego medžujezyka.
  2. 400 lět ot poslědnego izdanija češsky pisanej Biblije Kralickej, ktora mnogo pomagala do procesa tvorenija modernego češskego jezyka i držela živy češsky jezyk v vremeni germanizacije i nesvobody v 17. i 18. stoletiji.
  3. 260 lět ot roděnija naučnika Josefa Dobrovskego, ktory jest osnovitel modernej naučnej lingvistiky slověnskih jezykov i takože obnovitel češskego jezyka kako tvorca modernej češskej grammatiky.

Na programě zasědanija je bylo besedovanije Slověnskego Soveza i prezentacija različnih slověnskih aktivit pri učastviji vysokih zastupitelev politiky, kultury i nauky kako senatori, ambasadori, direktori slověnskih organizacijej iz Čehije, Slovakije, Russije, Polsky, Ukrajiny, Podkarpatija, Srbije, Bulgarie i drugih krajin. V programu dokladov byla medžu drugimi temami prezentacija našego projekta INTERSLAVIC i možnego praktičnego koristjenija modernego medžuslověnskego jezyka.

Častju ceremonijalnego zasědanija bylo ješte predavanije medalij Josefa Dobrovskego kako ocenjenije raboty za slověnsku kulturu i nauku. Medžu petdesetju ocěnjenimi ljudimi byli tri zastupiteli našego projekta:

  • Jan van Steenbergen iz Opoczna, Polska
  • Steeven Radzikowski iz San Diego, USA
  • Vojtěch Merunka iz Pragy, Čehija

 

 

adresy i kontakty:

Josef Dobrovský - http://cs.wikipedia.org/wiki/Josef_Dobrovský
Češsko-Moravsky Slověnsky Sovez - http://slovane.eu/
Vseslověnsky Sobor - http://vseslav.su/
Senat Parlamenta Češskej Republiky - http://senat.cz/

(ns)

poneděljek, 25. September 2017

PARTNERI

NAŠ PROJEKT




BESEDUJTE S NAMI NA FACEBOOKU

TECHNIČSKA OBSLUGA

PUBLIKOVANJE ČLANKOV