NAJNOVĚJŠI ČLANKY

NAJČITAJEMI ČLANKY

7-9.мај-конец нацистицскего Нѣмецска / konec nacisticskego Němecska

7.5.1945 v gradu Remeš (Francija) je byla podpisana bezuslovna kapitulacija vsih němecskih vojennih sil.

7.5.1945 в граду Ремеш (Франција) је была подписана безусловна капитулација всих нѣмецских војенних сил.

 

 

Kapitulacija je vhodila v činnost dna 8.5.1945 v 02:48 časin. Drugy kapitulačny dokument je byl podpisan v Berlinu-9.5.1945 v 22:30 časin.
V tutěh pametnih dnah je byl v Evropě zakončen jedin iz najk'rvavějših vojennih konfliktov v ljudskej istoriji i poražen jedin iz najbrutalnějših režimov. (Cesarske Japonsko je kapitulovalo 2.septembra 1945)

Капитулација је входила в чинност дна 8.5.1945 в 02:48 часин. Другы капитулачны документ је был подписан в Берлину-9.5.1945 в 22:30 часин.
В тутѣх памeтних днах је был в Европѣ закончен једин из најкървавѣјших војенних конфликтов в льудскеј историји и поражен једин из најбруталнѣјших режимов. (Цесарске Јапонско је капитуловало 2.септембра 1945)

 

Žertvy vojny / Жертвы војны

II. světova vojna je byl globalny vojenny konflikt imavšy okolo 60 milionov ljudskih žertev, (20 mil. vojinov i 40 mil. prostih ljudij). http://zkracovatko.cz/vLnjTG
Najvelikše žertvy je imal Sovětsky s'vez, 22 milionov ljudij. Procentualno najviše žertvy je imalo Polsko, kdě je poginula 1/5 (16,1%) populacije, 5,6 milionov ljudij, iz tego 3 mil. polskih Jevrejov naišlo sm'rt v koncentračnih lagerah. Jugoslavije je prinesla v boji protiv fašistam na 1,6 milionov žertev.

II. свѣтова војна је был глобалны војенны конфликт имавшы около 60 милионов льудских жертев, (20 мил. војинов и 40 мил. простих льудиј).
Највеликше жертвы је имал Совѣтскы съвез, 22 милионов льудиј. Процентуално највише жертвы је имало Полско, кдѣ је погинула 1/5 (16,1%) популације, 5,6 милионов льудиј, из тего  3 мил. полских Јеврејов наишло смърт в концентрачних лагерах.
Југославије је принесла в боји против фашистам на 1,6 милионов жертев.

Sm'rt takego množestva ljudij jest byla naslědkom nacisticske genocidne politiky protiv ljudim na okupovanih teritorijah.
Systematično ubijanije Jevrejov, Ciganov, Homo-sexualov, Mentalno-slabih, Němecskih antifašistov, komunistov, soc. demokratov i drugih.
Oceněno jest, že v koncentračnih lagerah je poginulo na 12 mil. ljudij.

http://zkracovatko.cz/RwMSQP

http://zkracovatko.cz/opdB6N

Смърт такего множества льудиј јест была наслѣдком нацистицске геноцидне политикы против льудим на окупованих територијах.
Сыстематично убијаније Јеврејов, Циганов, Хомо-сексуалов, Ментално-слабих, Нѣмецских антифашистов, комунистов, соц. демократов и других.
Оценѣно јест, же в концентрачних лагерах је погинуло на 12 мил. льудиј.

Jednim iz nacisticskih planov je byl "General-Plan Ost", plan na likvidaciju i etnicke uničenije Slověnov i drugih vazhodnih narodov. http://zkracovatko.cz/RgJ274
Једним из нацистицских планов је был "Генерал-План Ост", план на ликвидацију и етницке униченије Словѣнов и других вазходних народов.

General-Plan Ost - nacisticsky "Drang nach Osten" je byl tajny plan na genocidne izčištěnije okupovanih krajin ot avtohtonih narodov i kolonizacija tutih krajin germanskimi ljudimi. Plan je byl spisan, dogovorěn i avtorizovan v letah 1941-42.
Dla nacistickej ideologije sut byly slověnski ljudi nizska rasa-(untermensch), rasa imavša toliko samo jedino pravo, pravo služiti nacisticsko-germanskej aristokraciji.
Cěljem i naměrenijem plana je byla likvidacija okolo 50 mil. ljudij. Plan je imal dvě časti. Takorěčeny "Kleine Planung - Maly plan", ktory je imal byti realizovany v tečeniji vojny i "Grosse Planung - Veliky plan", akcije planovane posle sov'ršanija vojny.
Realizacija "Malego plana" je proišla v Polsku, kdě je bylo ubito na 20 tysača členov polskej elity-operacija Tannenberg. Posle operacije Tannenberg je priišla operacija "Inteligencija", v ktorej je bylo ubito na 40 tysača polskih intelektualcov. Nacisticska vlada je naplanovala totalne uničenije polskego naroda v tečeniji 10 lět. Medžu 3-4 mil. poljakov je imalo služiti kako rabski rabotniki novim němecskim kolonistam, bez možlivosti imati svojih potomkov. Ostatok ljudij je imal byti razstreleny ili preměstěny za Uralske gory.

Генерал-План Ост - нацистицскы "Дранг нах Остен" је был тајны план на геноцидне изчиштѣније окупованих крајин от автохтоних народов и колонизација тутих крајин германскими льудими. План је был списан, договорѣн и авторизован в летах 1941-42.
Дла нацистицкеј идеологије сут былы словѣнски льуди низска раса-(унтерменсх), раса имавша толико само једино право, право служити нацистицско-германскеј аристокрацији.
Цѣлјем и намѣренијем плана је была ликвидација около 50 мил. льудиј. План је имал двѣ части. Такорѣчены "Клеине Планунг - Малы план", кторы је имал быти реализованы в теченији војны и  "Гроссе Планунг -Великы план", акције плановане после совършанија војны.
Реализација "Малего плана" је проишла в Полску, кдѣ је было убито на 20 тысача членов полскеј елиты-операција Танненберг. После операције Танненберг је приишла операција "Интелигенција", в ктореј је было убито на 40 тысача полских интелектуалцов. Нацистицска влада је наплановала тоталне униченије полскего народа в теченији 10 лѣт. Меджу 3-4 мил. полјаков је имало служити како рабски работники новим нѣмецским колонистам, без можливости имати својих потомков. Остаток льудиј је имал быти разстрелены или премѣстѣны за Уралске горы.

Identična sudbina je byla naplanovana takože pro druge narody.
Идентична судбина је была напланована такоже про друге народы.

Plan germanizacije českego naroda je byl spisan pod nazvanijem "Endlösung der tschechischen Frage-Konečne rešenije českego problema".  План германизације ческего народа је был списан под названијем "Ендлöсунг дер тсхехисхен Фраге-Конечно решеније ческего проблема". http://zkracovatko.cz/ameuEb

Blagodarijuč vsim, ktori sut pomagali razbiti nacisticsku vojennu mašinu ne doišlo do realizacije nacisticskih planov.
Jih žertvy i boj jesme d'lžny hvaležno pametati i tuto pamet predavati svojim potomkam.

Благодаријуч всим, ктори сут помагали разбити нацистицску војенну машину не доишло до реализације нацистицских планов.
Јих жертвы и бој јесме дължны хвалежно паметати и туто памет предавати својим потомкам.

 

nedělja, 24. September 2017

PARTNERI

NAŠ PROJEKT




BESEDUJTE S NAMI NA FACEBOOKU

TECHNIČSKA OBSLUGA

PUBLIKOVANJE ČLANKOV